قطر الموت/ شعر الشاعرة المصرية جهاد نوار

يا قطر الموت و جى
يا مهدى من بعيد
بستنى بكرة جى
و لا ميعادك حديد
للعمر تطوى طى
و تشوطنا من بعيد
و ان حد منا حى
قتلاه موتة وليد
من بحرى لسة جى
و مسافر للصعيد
لكن ف القطر مات
بلا جرم زى العبيد
—
يا قطر ليه تنادى
صوتك ما عادش نادى
و بقيت زى الحدادى
تتلون و الله عادى
يوم نارك تشوى شى
و التانى يوم حدادى
—
زمانك كنت فرحة
ركابك بالالوف
حواليك الدنيا طرحة
خضرة عصافير تتطوف
الوقتى زى صفحة
الفرح فيها ضيف
يخشاك ماشى و راكب
دا نت بقيت مكفوف