ان عجزت شفاهي/بقلم / محمود الضوات

ان عجزت شفاهي على قول انا اهواك
ناظر عيوني واعرف انت الحقيقة
صابر على حكم القدر يوم ن القاك
اكتم شعوري والمشاعر رقيقة
أخاف عيني بزحمة الناس تشناك
ويظهر غلاك اللي بعيوني بريقه
أتبع خطاك ابصمت وارقب محياك
واتمنى اضمك فوق صدري دقيقة
خطف الغلا وسرق النظر من مزاياك
وطب الجروح اللي بخفوقي عميقة
لولاك دمع العين ما طاح لولاك
ولا خفوقي بين الاضلاع أطيقه
من تبتسم ألقى القمر في ثناياك
والنور منك للقمر في طريقه
انت الفرح لا جا على البال طرياك
في ليلة ن يرسم بها الحزن ضيقة