يا بِنِتْ عِشقان !!/ شعر الشاعر اللبناني جو أبي الحسِن

إرحَمي قلب عشقان كَلّ من الحَكي
وقلبِك البردان كل يوم عَـم يشتكي
قــال الشَّاعِــر مـا بَقى إلو أَمَـــان
ومش عَارف إنّـو قَلبو صُفي لِكي

وين كنتي قبل مـا فتَّح الزمــان
تِشلَحـي علـيِّ حبَالِكْ المُهلِكـي
وعيون الحَـلا متـل شهر نيسان
ترمي غْمَار العِشق والجِفن تِكي
يشبُكْ قلبي الرَّهيف وإبقى مِندان
مــن قُصِّة غرام بالحيـا ملبَّكـي
وعليي بسرُق مِنِّـك بلا إستأذان
وبترك أفكارك باللِّـذة مشربَكي