آفاق حرة للثقافة صحيفة ثقافية اجتماعية الكترونية
يا كِحيل العين وش تخفي بعــــد
دام اللي ظهر منك شبيه المعجزه
والله ما غير أبو نوره فيكِ صــدق
يوم غنى في شبيهك مذهلــــــه
حاجبك سيفٍ وفي وجهك جمـــد
والرمش ماله وصف أرجو المعذره
والعيون الدعج “قل هو الله احـد ”
شيٍ يخالط كذب الاخيلــــــــــه
كيف أوصف والشعر عندك عجــز
ويا كثر ما ترك فيني اســـــئله
يجيني هاجس الشعر ثم يبتعد
كني يبابٍ مرتجي سرابٍ يمطره
حتى المداد اللي في بحري نفد
وما لقيت الحل… أفك الأحجيه
صرت أراوح بين فكري والزند
مزاجي كيف … من غيرك أبعدله
قولي … وين بلقى مثلك أحد
يضبط قهوتي في ضباب الأمزجه
يا ركود الروح… ومن بعدك عدد
أنتِ القصيد وغيرك اوراق امبعثره
أنتِ آخر أحلامي ونقطه عالسطر
وأنتِ آخر كاس في حياتي أثمله
