آفاق حرة للثقافة صحيفة ثقافية اجتماعية الكترونية
قالت ارسم فؤادك قلت آسي ومتعوب
والمشاكل تهده من جميع الجوانب
قالت ايش في عيونك دمعها دم مسكوب
قلت دمع المآقي من قهور الحبايب
قالت ايش فيك ضابح مثلما شخص مغلوب
قلت وقتي ترينه آه كله غلايب
قالت ايش في حروفك دامعه وسط مكتوب
قلت مثلي حروفي هي لي أعظم مصاحب
قالت إحساس حرفك منه السعد مسلوب
قلت كل السعادة بالوصال والتقارب
قالت البعد عله وأنت من دون محبوب
قلت حبي بجنبي إنما الود غايب
قالت الحب كاسه هل طعمته كمشروب
قلت يمنح دوائي أو يجيب المتاعب
قالت أعذر فؤادي صار كالدار مخروب
قلت مهما بنيته يهدمه حب كاذب
قالت أنت المحبه والثقه كلما توب
لازم أرجع لعـُشي مثلما طير راغب
أنت وجه الحقيقه ما معك اي ملعوب
بالوفاء والصراحه نلت أعلى المراتب
يكفي إنك بجنبي طيب القلب حبوب
بالزمن صرت نادر والرفيق المناسب
