كلماتي / بقلم: ياسر زمراوي ( السودان )

يا حبيبي لو تلاحظ
في الدنيا المصاعب
عايزة نقيف اماما
بي اقوي الارادات
واحساس المتاعب

بي صبر ابهاتنا
وحنين امهاتنا
وكلامنا المشاغب

بي احساسنا لينا
بي حب يحتوينا
يدفرنا ف مواكب

بي فهم التجاوز
عن كل الضغاير
وبي نبض التحاور
دون لف او دواير
بي شوق البسالة
والشوق للبشاير

ايامنا بتكون
دون كحل العيون
زي اجمل حبايب
لابتبقالي ضاغط
لا حاجيك محاسب
بس دايما نحاسب
لي تعب المسافة
وارجحة المراكب
وافراحنا بتواكب
تمسح في حزنا
الجوانا ناصب
خيماتو القديمة
واشكال الخرايب

يافرحي المبشر
ما دايما مكشر

في دنيايا كاتب
في جوايا ناقش
بي الوان حقيقة
وبي حرف الاصابع
كلماتو الرقيقة