إبنى/ شعر الشاعرة المصرية جهاد نوار

أكيد فاكرة لما
اختليت بيا
و فكرتك هنا عاشق
مقتول الهوى فيا
—
كبر الغرام جوايا
غمضت أنا عنيا
اتارينى لعبة جميلة
فى إيديك و مرمية
—
للحزن و انت ناسينى
و شمت العدا فيا
لله هشكيك يا حبى
و لا قاضى يا عنيا
—
الرب هو القاضى
و الحكم هنا ليا
يقتص م اللى رمانى
مقتولة بلطية
—
الحكم لله وحده
فى اللى جار عليا
و قليبه طاوعه
بدل حنانه بأسية
—
و كل ده ليه
يقولوا
حرام الحب يا
بلطية…
—
كتبوا علينا الفراق
و تهنا فى المية
حكم القدر مكتوب
و عرفت م النية
انه حبيب غدار
و الغدر فيه غية
—
ابنى ضنايا اتولد
راح اصونه بعنيا
بيه افتكر جرمى
و دموعى كالمية
—
ادعى و اقول يا رب
نسينى الاسية
ابنى انا بس
منسوب هنا ليا
من غير شهادة ميلاد
و ثقته بايديا
حرف و كلمة جميلة
مكتوبة بحنية