آفاق حرة للثقافة صحيفة ثقافية اجتماعية الكترونية
خلاص الماضى ودعته
أنا ماشية و ناسية هواك
و قلبى اللى إنت ضيعته
لا يمكن يوم يقول بهواك
يا فايت كل أحبابك
عشان لحظة تجبيلى هلاك
فايتلى فى قلبى نار ولعة
ونا اللى قدت شمع هناك
كفاية إنك بتظلمنى
زرعت البين بمر أساك
حرام أيامى تتبعتر
ونا بستنى يوم لقياك
عذاب الدنيا فى قربك
يا للى إنت كنت ليا ملاك
ده لو قربك فيه الجنة
انا بيعاه و مش عايزاك
و رب القدرة يسمعنى
يصبرنى عشان أنساك
خلاص ودعت أحلامى
قفلت باب الوهم وراك
و قلت لعينى دوم نامى
ده ورد الشوق صبح أشواك
