آفاق حرة للثقافة صحيفة ثقافية اجتماعية الكترونية
الاردني له هامتن دايمن فوق
له هامتن ما تنحني غير لله
حنا جنود مخلصة للوطن طوق
درع مٍتنن صلد محدايتعداه
عدونا دايم على طول مخنوق
حرب الكرامة حي محدن تناساه
الاردن اول والوطن داخل الموق
ارواحنا دون الوطن من فدياه
يبقى ثرى الاردن لنا خير معشوق
تاج على راس الشهامة وضعناه
حنا اكعام الضد وللمعتدي عوق
ناطا على خشمه وعن الارض نمحاه
شعب وفي ما يقبل الغدر البوق
الاردني بالطيب ما محدن تحداه
حنا بشر باجسامنا دم وعروق
حب الوطن وسط الشرايين مجراه
هذا وطنا له برقابنا حقوق
نحافظ على امنه ومن العبث نرعاه
نبقى للوطن من كل مخلوق
بهمة نشاما الجيش والرب يرعاه
الطامع ما له عندنا بالوغى سوق
هاذا وطنا بغالي الروح نفداه
نلبس ثياب العز وهاماتنا فوق
بقيادة تستاهل العز والجاه
لنا اسلوب بالشجاعة لنا ذوق
والعز ثوب من قديمن لبسناه
يبقى وطنا بين الاوطان مرموق
الله يعز الشعب ويحقق مناه
غنى بحب المملكة كل طاروق
بقلوبنا يكبر على طول ما اغلاه
